Helbest

26 xwendin.

Bîlal Nêribij - Kam o Huseyn?
Kam o Huseyn ke alem ey rî dîwane beno
No çi rojo ke no gan ey rî perwane beno? [1]

* * *

Gulîstan de gul, sey reyhan sey sumbul o Huseyn
Gul rî yew bulbul, dermanê derd û kul o Huseyn

îmamo namdar, warisê pêxember o Huseyn
Egîdo kerrar, qey ummetî rehber o Huseyn

Vengo zanaye, lacê menbaê îlm o Huseyn
Qelbo şiknaye, karê edeb û hîlm o Huseyn

Warê pank neseb, îsmetê Fatima yo Huseyn
Qêrîya Zeyneb, feryadê wayka ma yo Huseyn

şêrê meydan o, zalim rî Zulfîqar o Huseyn
Serey xo dano, îslam de ma rî rar o Huseyn

Esayê Mûsa, Fîrewnan rî ejder o Huseyn
Nefesê îsa, mezlûman rî sîper o Huseyn

Zulumat de nûr, hemberê taxûtan o Huseyn
Mîsalê sebir, şiknayoxê pûtan o Huseyn

çilay Quran o, tarî ra serbestî yo Huseyn
Sulh û eman o, xelasê bindestî yo Huseyn

Sêne de îman, her roj de aşûra yo Huseyn
Hesretê çiman, her ca de Kerbela yo Huseyn

10 Muharrem 1429 / Anqara

* Kelhaamed, hûmare:4, r.54
__________________
[1] Kimdir Huseyn ki alem ona divane olup
Bu ne şemdir ki canlar ona pervane olup?
(Cafer Bayar)

-----------
gan: gon, can
lac: laj, gede
rar: rayîr
taxut: zulumkaro zaf xidar
war: wayîr, wahar

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê