Helbest

38 xwendin.

Tu keskesora li ser zimanê min
Jîyan bêyî te
Xewneke tisî bû
Min valahîya jîyana xwe
Teqiland bi hebûna te

Ez nizanim tu jan î
An jîyan î ji bo min
Wekî pelaveke mezin
Di pîyekî biçûk de
Hingivê ku jehran hatî dotin
Ez nizanim tu çi yî ji bo min


şewat û Ronahî

Kevok parsa hêlînê dike ji daran
Kulîlk parsa sîyê dike ji ewran
Dilê min nizane parsa çi bike ji jîyan

Min heval winda kirine li benda salan
Min sal winda kirine li benda neyaran

Ez nizanim çi bixwazim ji jîyanê
Min çi nedixwest da min
Min çi dixwest da neyaran

Ez însanim havênê çêyîyê û xerabîyê me
Xerabî da min jîyana derewîn
Teva çêyîyê çêyî teva xerabîyê xerabî me
çêyî neda min jîyana xayîn

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê