Helbest

52 xwendin.

Cegerxwîn - Di Nav Koma Diza Me
Bi rêz im ez, li ber rêza reza me,
Dizanim, ko di nêv koma diza me.

Dizanim ez, dibênim ez dizê xwe,
Nikarim ez biparêzim rezê xwe.

Dixwin hawîr, li wan ez xweş dinêrim,
Dizanim, ko dixwin, lê ez newêrim.

Dikim qêrîn, dikim hawar; werin wan,
Weza me ez, dibêjim: Win herin wan.

Rezê min tim dixwin dijmin ji hawîr,
Mezel wêran e îro, wê çi kin qîr?

Dizanin, ko xwedî qels e, nikarî,
Ji lew têne rezê min ew bi harî.

Ku çend sunbil ji yek katê diçin der,
Ne wek hev tên, ne wek hev yekber û ser.

Hinek jê pir bilind û sergiran in,
Hinek jî hêj giya ne, pir ciwan in.

Eger çendek ji wan xurt û bilind in,
Ewên dî qelsetan e, ko ne rind in.

Di jînê de heçî xurt e diçî jor,
Heçî qels e, li vî aşê me bê dor.

Heval meyza bike, ko Kurd dibêjin:
Ku ev gotin ne îro ne; ji mêj in.

Mirî dimrî, tu jî wek min dibênî,
Ku malê wî ji zendî re dimênî.

Heçî darê wî pir xurt û sitûr e,
Li vî aşî, ku arvanê wî hûr e.

Li vê dinyê çeka mêra ye zor e,
Heçî ko ket, tu pê lê ke, bibore.

Heta qels û weza bî tê wiha bî,
Nezan û jar û qels û tim geda bî.

çeka qelsan: Xwedê jê re nehêlî,
Eger qels î, li nav xelkê xurêl î.

Eger bimrî, genim xurt bî, rewa ye,
Di jînê de heçî jîndar weha ye.

Eger rast e, dixwazî xurtemêr bî,
Divê rabî, wekî gernas û şêr bî.

Bi gernasî herî cenga neyaran,
Bikî qêrîn li ser şax û diyaran.

Birader, ger ji Seyda win dipirsin,
Divê carek ji dijmin win netirsin.

Mirin yek car e, nabî do û sê bin,
Win ê bimrin, li vir bin, yan li wê bin.

Mebêjin bê heval û dost û pişt in,
Bi gernasî gerek em bêne kuştin.

Bibin yekperçe û yek xêz û yek bend,
Tenê hevsar bi destê yek hinermend.

Divê ew jî ne paşa û ne ser bî,
Ne jî wek min xwedî zêr û zeber bî.

Divê zana û jîr û pir şiyar bî,
Hemî millet ji wî re dost û yar bî.

Di gel wî çend mirovên zane û jîr,
Xwedîrêz û xwedîbext û xwedîbîr.

Li ser destûreka nûjen herin pêş,
Ji hawîr ve, ku av tê tim li ser êş.

Hemî gernas, hemî rêzan û dûrbîn,
Ji kû bênin mirovên wekî Cegerxwîn?

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Agir û Sohtin
Agirê Evîndarî
Agirî
Ah Şêrînê
Ava Heyatê
Azadîxwaz im
Bargiran Im
Begim Xuya Ye Hûn Natirsin
Bere Bihar Bi Xêr Bê
Bêriya Welat
Bête Hêç Im Welat
Bextreşiya Kurd
Bi Ser Çiyan Ketin
Bilbil û Gul
Bîranîn
Çardehê Temûzê
Çavreşa Min
Cegerxwîn Bes
Cizîrî Rabe Meyzêne
Çûna Qunsilxana Tirk
Dayê Tu Megrî
Dengê Perîşanê (Lo Lo Pismamo)
Dezgirtiya Xortan
Di Bîr Anîn
Di Qeyd û Bendan Ranazin
Di Vê Rê De Siyamend Im
Dilgirtina Kora
Direvim
Dîwana Derdê Millet e
Dîwana Min Derdê Millet e
Diyariya Yarê
Ebrû Şevê
Êlperestî Nexeşiyeke Dijwar e
Em Ji Rê Dernakevin
Eman Hey Lê
Ev Dinya Pir Xweş e
Ev Ji Me Tê Hew
Evîna Dil
Evîndarê Welat im
Ey Felek
Ey Heval Robson
Ey Welat Dûrim Ji Te
Ey Xortê Ciwanmêr
Ez Gelek Tî Me
Ez Nexweş Im Îro
Ez Nizanim Çi Bêjim
Ez û Gundê Hesarê
Ferat Im
Fidakarê Welat Im
Giryan Im Bes e
Gotina Welat
Guh Bidêr
Gulfiroş
Gulî Şengê
Hawar Hewar
Hetta Kengî Di Xewda Bî
Hêvîdarî
Hey Qehreman Milletê Kurd
Ho Ho Hevalo
Hovîtîya Dijmin
Ji Bin Destan Tu Derkev
Ji Qedrî Can Re
Jin Hene Jinkok Hene
Jîn û Hebûn
Jin û Jîn û Jîndarî
Ka Kevin Nadêrin
Kaniya Evînê
Keça Kurd
Keko Ez Bilûrvan Im
Kengî Tê Bê
Kî Hilgirî Vî Barê Min
Kilama Hêviyê
Kîme Ez
Koma Miletan
Kurdistan
Kurdo Namûs e Rabe
Lêvşêrîna Min
Leyla Şehîd
Li Rojhilat
Lorî
Maçek Ji Lêvan
Mela Banga Sibê Didî
Mela Rabe
Mêrane Rabin Xortên Kurdistan
Mirovname
Mizgîn
Nexoş Im
Nûroz e
Ol û Daxwaza Min
Partîzanî
Pendname
Pîr Bûm Dil Pîr Nabî
Pîra Torê
Pirîsk û Pêt
Port û Şîret
Rêzanî
Şahnema Şehîdan
Sala 1959ê (Kengî Bixêr Bêtin Buhar)
Şam Şekir e Welat Şêrîntir e
Sebra Dila
Serxwebûn
Serxwebûna Mirîşkan
Serxwebûna Mûriyan
Seydayê Xanî
Sih û Sê Roj Di Zindanê
Sîmên Sayê
Tiştên Kesnedî
Welat Welat
Welatê Çirto û Virto
Welatperestî
Wezîfey Xom
Xabûrê
Xweş Beden
Ya Kurdistan Ya Neman
Ziman