Helbest

81 xwendin.

Cegerxwîn - Ez Nizanim Çi Bêjim
Heval, ez bilûrvan im
Dengê saza hozan im
Ji we ez dilgiran im
Ez nizanim çi bêjim

Ez bilûra Marks im
Dengê rista Bêkes im
Ji hêvîyan avis im
Ez nizanim çi bêjim

Ez daxwaza Xanî me
Rewşa neqşê Manî me
Di ristê de kanî me
Ez nizanim çi bêjim

Arê dilê Cizîrî
Tava tora Herîrî
Ez nûjen im bi pîrî
Ez nizanim çi bêjim

Nakin dengê saza min
Guh nadin awaza min
Yan nizanin raza min
Ez nizanim çi bêjim

Ez Mûsayê Hesar im
Ji we tevan dilsar im
Lê ez bi we nikarim
Ez nizanim çi bêjim

çiman hemî nabin yek
Leşker nakin lek bi lek
Kanîn ew Bircên belek
Ez nizanim çi bêjim

Hirç ketine nava rez
Gur ji hawîr têne pez
Ji xew rabin em bi lez
Ez nizanim çi bêjim

çi ne ev êl û eşîr?
Ne beg maye ne jî mîr
Ji dijmin re bûn Cizîr
Ez nizanim çi bêjim

şêxên bi cibe û şaş
Xwe ji olê dane paş
Hemî bûne gornebaş
Ez nizanim çi bêjim

Ey xortê ku ji nû tê!
Ê ku di nav zikê dê
Yan jî di pişta bavê
Ez nizanim çi bêjim

Ji bo we ez vê sazê
Xweş lê didim bi gazê
Bi daxwaz û nîyazê
Ez nizanim çi bêjim

Ev daxwaza me pir kûr
Mûsa, min ew bir Tûr
îsa, min ew kire nûr
Ez nizanim çi bêjim

Ez millet im, ez mirov
Sedê bîsta neman hov
Direşênim bo we tov
Ez nizanim çi bêjim

Ji bo we min gelek hişt
Hin dîwan û hin nivişt
Gol ji avê bûye mişt
Ez nizanim çi bêjim

Sivik çû bihara min
Zer bûn pelê dara min
Dûr dûr diçî yara min
Ez nizanim çi bêjim

Serî sipî bûye pûş
Per şikestî Qereqûş
Ez dinalim li Merûş
Ez nizanim çi bêjim

Perçe bûne lek bi lek
Hemî bazên qerbelek
Kengî karin bibin yek?
Ez nizanim çi bêjim

Dipeyivin pir qelew
Ji dijmin re çêlekew
çawan serî dixin xew
Ez nizanim çi bêjim

Heta dil ranewestî
Ez nabêjim bi sistî
Kêr gihaye ser hestî
Ez nizanim çi bêjim

Xwendewarên kurên Kurd
Em li qada xwe zigurd
Bes in kul û xem û derd
Ez nizanim çi bêjim

Hemî destan bidin hev
Xebat bikin roj û şev
Ji dil dibêm, ne bes dev
Ez nizanim çi bêjim

Weke hev in ev û ew
Win guh medin tev derew
Millet şiyar bû ji xew
Ez nizanim çi bêjim

Millet tenê dikarî
Xweş hilgirî vî barî
Ristê bikî hevparî
Ez nizanim çi bêjim

Win dixwênin ji bo çî?
Ma nabênin li her cî
Cihan ber bi pêş diçî
Ez nizanim çi bêjim

Dijmin li her cî û şop
Xwedîtang û xwedîtop
Li me dikin qopeqop
Ez nizanim çi bêjim

Nabênin dijminên xwe
Her tişt birin ji bo xwe
Li min sor bû kiloxe
Ez nizanim çi bêjim

Dibin destan hezar sal
Dane dijmin qad û mal
Berdin şopa bav û kal!
Ez nizanim çi bêjim

Bav û kalên me nezan
Pez berdane bê şivan
Xanî bûbû bilûrvan!
Ez nizanim çi bêjim

Ne ez Xan im, ne Xanî
Ne Zerdeşt, ne Manî
Li xwe kir bargiranî
Ez nizanim çi bêjim

Ne gernas im, ne egîd
Ez şêxmûs im, bê mirîd
Lê dilewkim wek berîd
Ez nizanim çi bêjim

Di ristê de çi merd im
Dil bi kul û bi derd im
Xwîna şehîdên Kurd im
Ez nizanim çi bêjim

Ronikên xwişk û diya
Ez axîna sêwîya
Ez gazinên jinbîya
Ez nizanim çi bêjim

Ez hêvîyên girtiyan
Jana dilên birçîyan
Serma laşên bêcîyan
Ez nizanim çi bêjim

Ez dixana napalim
Xwîna sînga delal im
Hawar im, nalenal im
Ez nizanim çi bêjim

Ez dengê wan hejaran
Ketim şax û zinaran
Ez ew benê sêdaran
Ez nizanim çi bêjim

Heq bi zor e di jînê
Ez dilbijê evînê
çi tê ji vê girînê?
Ez nizanim çi bêjim

Keko, ez Cegerxwîn im
Dil bi kul û birîn im
Van ayetan dixwînim
Ez nizanim çi bêjim.

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Agir û Sohtin
Agirê Evîndarî
Agirî
Ah Şêrînê
Ava Heyatê
Azadîxwaz im
Bargiran Im
Begim Xuya Ye Hûn Natirsin
Bere Bihar Bi Xêr Bê
Bêriya Welat
Bête Hêç Im Welat
Bextreşiya Kurd
Bi Ser Çiyan Ketin
Bilbil û Gul
Bîranîn
Çardehê Temûzê
Çavreşa Min
Cegerxwîn Bes
Cizîrî Rabe Meyzêne
Çûna Qunsilxana Tirk
Dayê Tu Megrî
Dengê Perîşanê (Lo Lo Pismamo)
Dezgirtiya Xortan
Di Bîr Anîn
Di Nav Koma Diza Me
Di Qeyd û Bendan Ranazin
Di Vê Rê De Siyamend Im
Dilgirtina Kora
Direvim
Dîwana Derdê Millet e
Dîwana Min Derdê Millet e
Diyariya Yarê
Ebrû Şevê
Êlperestî Nexeşiyeke Dijwar e
Em Ji Rê Dernakevin
Eman Hey Lê
Ev Dinya Pir Xweş e
Ev Ji Me Tê Hew
Evîna Dil
Evîndarê Welat im
Ey Felek
Ey Heval Robson
Ey Welat Dûrim Ji Te
Ey Xortê Ciwanmêr
Ez Gelek Tî Me
Ez Nexweş Im Îro
Ez û Gundê Hesarê
Ferat Im
Fidakarê Welat Im
Giryan Im Bes e
Gotina Welat
Guh Bidêr
Gulfiroş
Gulî Şengê
Hawar Hewar
Hetta Kengî Di Xewda Bî
Hêvîdarî
Hey Qehreman Milletê Kurd
Ho Ho Hevalo
Hovîtîya Dijmin
Ji Bin Destan Tu Derkev
Ji Qedrî Can Re
Jin Hene Jinkok Hene
Jîn û Hebûn
Jin û Jîn û Jîndarî
Ka Kevin Nadêrin
Kaniya Evînê
Keça Kurd
Keko Ez Bilûrvan Im
Kengî Tê Bê
Kî Hilgirî Vî Barê Min
Kilama Hêviyê
Kîme Ez
Koma Miletan
Kurdistan
Kurdo Namûs e Rabe
Lêvşêrîna Min
Leyla Şehîd
Li Rojhilat
Lorî
Maçek Ji Lêvan
Mela Banga Sibê Didî
Mela Rabe
Mêrane Rabin Xortên Kurdistan
Mirovname
Mizgîn
Nexoş Im
Nûroz e
Ol û Daxwaza Min
Partîzanî
Pendname
Pîr Bûm Dil Pîr Nabî
Pîra Torê
Pirîsk û Pêt
Port û Şîret
Rêzanî
Şahnema Şehîdan
Sala 1959ê (Kengî Bixêr Bêtin Buhar)
Şam Şekir e Welat Şêrîntir e
Sebra Dila
Serxwebûn
Serxwebûna Mirîşkan
Serxwebûna Mûriyan
Seydayê Xanî
Sih û Sê Roj Di Zindanê
Sîmên Sayê
Tiştên Kesnedî
Welat Welat
Welatê Çirto û Virto
Welatperestî
Wezîfey Xom
Xabûrê
Xweş Beden
Ya Kurdistan Ya Neman
Ziman