Helbest

37 xwendin.

Cegerxwîn - Hovîtîya Dijmin
Piştî şerê Erarat
Bi ser Kurd de bela hat

Zar û zêç û mêr û jin
Ketin nav lepê dijmin

Dibên çil û heft hezar
Hemî reben, tev hejar

Ajotin Gelyê Zîlan
Hemî dane ber gullan

Lê serdaran çil keçik
Keç û bûkên pir xweşik

Pirê wan bûk û qîz in
Da ku bi wan dilîzin

Lê xwe avêtin avê
Go: Ev pîsî me navê

Stranek li ser çê bûye
Bi dilşewat lê bûye

Xemo ji bo me digot:
Dilê civatê disot.

çav li serî sor dibûn
Na, ez şaş im, kor dibûn.

Ronik ji wan dibûn rêz
Wî xem dikirin hembêz.

Xemo, welatperwer bû
Dîwana min ji ber bû.

Li ku rûnişta, digot:
Zû pertalê xwe difrot.

Pertal welatperwerî
Ne qumaş û ne hirî

Her kes dixwest bibênî
Bihna xwe pê derênî

Xemo, bi xem, dilbirîn
Ji dîwana Cegerxwîn

Gelek ristik ji ber bûn
Bi axîn û keser bûn

Ji Kurdan re wî digot:
Dil û hinav li wan sot.

Mirovekî karker bû
şal û şapik diber bû

Bi şar û kumê kolos
Gelek diçû Aleqos

Vê paşiyê çû welat
Lê nizanim çi pê hat?

Min pir li wî dipirsî
Ne carekê, sed û sî

Dibêjin hê jî sax e
Bi xanî û qûnax e

Heta par jî hê xweş bû
Li welêt bû, rûgeş bû

Serpêhatî dirêj e
Weke rojî, nimêj e

Li Dêrsim û li Sasûn
Na, ez şaş im, hemî şûn

Li iraq û li îran
Ne kêmtir bûn ji Tirkan

Ev e rewşa bindestî
çiman divên serbestî

Ez çi bêjim hê kêm e,
Bindest hemî weke me.

Li her der têne kuştin
Bê xwedî ne, bê pişt in

şovînîtî, zordarî
Bicî tênin vî karî

Imperyal in têr pere
Wan daniye ji me re

Ev destûra çewt û xwar
Paşê bûne koledar

Heçî bindestê dijmin
Neçar e têne kuştin

Divê destan bidin hev
Xebat bikin roj û şev

Dijmin ji ser xwe rakin
Lê ji bona çi nakin?

Dijmin ji me zanetir
Welat li me perçe kir

Kurd nexwendî, perîşan
Dimrin ji bo gezek nan.

Dewlemendê malgenî
Dijmin bi wan dikenî.

Hin jî di hember pera
Xwe difroşin wek kera

Hin jî divên Kurdistan;
Lê ji wan re gulistan

Em li jêr û ew li jor
Li me bikin zilm û zor

Olperest û êlperest
Navên Kurd bibî serbest

Wan em perçe kirin xweş
Riwê Kurdên teres reş

Erzan em dane dijmin
Ev bû sed û sîh û hin

Bawer dikin misilman
Hemî baş in bi îman

Heçî mayî ne baş in
çi qa jîr bin, li paş in

Roja qiyamet rabî;
Mirov li şam cema bî

Xwedê deynî mêzînê
Mihemed navan bixwînê.

Dojeh ji bo gawira
Bihişt ji bo me, bira!

Misilman tev bira ne
Ji hev re wek çira ne

Kîjan bibî padîşah
Deynin serê wî kulah

Gerdenxwar bin ji bo wî
Tev li kar bin ji bo wî

Millet çi ye, ziman çî?
Bere tazî û birçî

Ser deynin ber nigê wî
Em têr bikin zikê wî

Ji ber van mirovên dîn
Seyda bûye Cegerxwîn.

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Agir û Sohtin
Agirê Evîndarî
Agirî
Ah Şêrînê
Ava Heyatê
Azadîxwaz im
Bargiran Im
Begim Xuya Ye Hûn Natirsin
Bere Bihar Bi Xêr Bê
Bêriya Welat
Bête Hêç Im Welat
Bextreşiya Kurd
Bi Ser Çiyan Ketin
Bilbil û Gul
Bîranîn
Çardehê Temûzê
Çavreşa Min
Cegerxwîn Bes
Cizîrî Rabe Meyzêne
Çûna Qunsilxana Tirk
Dayê Tu Megrî
Dengê Perîşanê (Lo Lo Pismamo)
Dezgirtiya Xortan
Di Bîr Anîn
Di Nav Koma Diza Me
Di Qeyd û Bendan Ranazin
Di Vê Rê De Siyamend Im
Dilgirtina Kora
Direvim
Dîwana Derdê Millet e
Dîwana Min Derdê Millet e
Diyariya Yarê
Ebrû Şevê
Êlperestî Nexeşiyeke Dijwar e
Em Ji Rê Dernakevin
Eman Hey Lê
Ev Dinya Pir Xweş e
Ev Ji Me Tê Hew
Evîna Dil
Evîndarê Welat im
Ey Felek
Ey Heval Robson
Ey Welat Dûrim Ji Te
Ey Xortê Ciwanmêr
Ez Gelek Tî Me
Ez Nexweş Im Îro
Ez Nizanim Çi Bêjim
Ez û Gundê Hesarê
Ferat Im
Fidakarê Welat Im
Giryan Im Bes e
Gotina Welat
Guh Bidêr
Gulfiroş
Gulî Şengê
Hawar Hewar
Hetta Kengî Di Xewda Bî
Hêvîdarî
Hey Qehreman Milletê Kurd
Ho Ho Hevalo
Ji Bin Destan Tu Derkev
Ji Qedrî Can Re
Jin Hene Jinkok Hene
Jîn û Hebûn
Jin û Jîn û Jîndarî
Ka Kevin Nadêrin
Kaniya Evînê
Keça Kurd
Keko Ez Bilûrvan Im
Kengî Tê Bê
Kî Hilgirî Vî Barê Min
Kilama Hêviyê
Kîme Ez
Koma Miletan
Kurdistan
Kurdo Namûs e Rabe
Lêvşêrîna Min
Leyla Şehîd
Li Rojhilat
Lorî
Maçek Ji Lêvan
Mela Banga Sibê Didî
Mela Rabe
Mêrane Rabin Xortên Kurdistan
Mirovname
Mizgîn
Nexoş Im
Nûroz e
Ol û Daxwaza Min
Partîzanî
Pendname
Pîr Bûm Dil Pîr Nabî
Pîra Torê
Pirîsk û Pêt
Port û Şîret
Rêzanî
Şahnema Şehîdan
Sala 1959ê (Kengî Bixêr Bêtin Buhar)
Şam Şekir e Welat Şêrîntir e
Sebra Dila
Serxwebûn
Serxwebûna Mirîşkan
Serxwebûna Mûriyan
Seydayê Xanî
Sih û Sê Roj Di Zindanê
Sîmên Sayê
Tiştên Kesnedî
Welat Welat
Welatê Çirto û Virto
Welatperestî
Wezîfey Xom
Xabûrê
Xweş Beden
Ya Kurdistan Ya Neman
Ziman