Helbest

65 xwendin.

Cegerxwîn - Ol û Daxwaza Min
Ji dil bidêre min ey bira
Ji bo te bihûnim dir û gewhera

Dixwazim bibêjim birast û dirist
Bere bêne ser min hezar kurt û pist

Bi tore biçênim gulên sor û zer
Bi ava riwê xwe, bi xwîna ciger

Ewan av bidim, da vebin terh û geş
Ku xweş bin bi wan sed dilên pir nexweş

Eger qenc û naqenc, ev e zarê Kurd
Biha ne li gund û li bajarê Kurd

Bi hûnan û ristin, bi şîwa min in
Ne min ew dizîne, ji mêwa min in

Ku çend sal e min ew kul û rence xwar
Dixwazim te rakim ji xew ey xewar

çep û rast û hawîr binêre cihan
Hemî kes şiyar bû ji xew nagihan

Tenê man di xew de wekî dêw û dîn
Ji derdê we seyda ciger bûye xwîn

Diqîrim, dinalim, wekî çeng û ney
Li dil min kişandin hezar dax û key

Kurê Kawis û Kohderz û Erdeşêr
Nizanim çi ra wer we berdaye jêr?

Perîşan û jar û nexweş, tim weza
Bi dilpaqijî xo sipartin diza

Beg û şêx û axa wekî mar û mişk
Bi dijmin re hevkar û hevpar û pişk

şiyar bin, li kar bin wekî pehlewan
Bixwênin, bibênin çi ye ev cihab?

Bi rist û bi tektîk û zanîn û jîr
Werin şer, bi hev ra bi halan û qîr

Cihan rengê bûk e, çi şêrîn jin e
Bizanin qelen, xurtî û xwendin e

He çî ko bidest wî ne top û tiving
Li ser şax û latan bi halan û deng

Dibin dewlet û peyadar û bilind
Bi xurtî dibin ew xwedî şar û gund

Ji zencîrê dijmin çi gazin dikin?
Ne destek bi xwîn bî, tu car naşikin?

Bi xwîna me sorgul ku rûgeş nebî
Dilê dijminê Kurd bi me xweş dibî

çi sîwak û xişt in, çi tizbî û şaş
Bizane ev in ê tu hiştin li paş

Tu tif ke riwê wan dizan, bigre dar
Ji xew rabe ey Kohreşê navîdar

Ne şerm e ku bindestê Turk û ecem?
Li ser te bibarin kul û derd û xem

Serê xwe tu rake kurê Erdeşêr
Li dijmin biqore wekî nêreşêr

Li ser lat û şaxan bidin qîr û deng
Bikin rengê şêran, bi dijmin re ceng

Ji dest dijminan em derênin welat
Bi xwînê ye serbestî û hem felat

Felata welatê me karê me ye
Cihê bav û kalên me warê me ye

Eger em dixwazin bibin serfiraz
Bi şadî û xoşî bijîn, dilnewaz

Divê em netirsin ji top û tiving
Bi xurtî herin em li meydanê ceng

Serê leşkerê dijminê xurt û har
Di bin lingê xortan bikin tarûmar

Welatê xwe bigrin, bikin wek bihişt
Bikin dexl û avî hemî pehnedeşt

Welat têk biîsî wekî mûm û find
Bi zanîn herin nav sitêrên bilind

"Ji ku ye?", "Li ku ye?", "Diçî ku?" nebî
Cihan tev seranser welatê me bî

Ne dijmin bimênî, ne zor û setem
Mirov xweş bijîn wek bira dem bi dem

Biçin her derî em bi şadî û xoş
Bi hev re bijîn em, vexwin noşenoş!

Bi govend û dîlan, bi dans û bi ger
Di bîra kesî qet neyên ceng û şer

şirîn bête dansê û Nesrîn biken
Bi talan û yaxma herin lêv û çen

Mey û ney bi hev re me serxweş bikin
Pit û Keyn û şêrîn me rûgeş bikin

Bi sazê re nazê bibî nazedar
Ji ezmanê şadî perî bêne xwar

Li her der bilind bin timî xwendegah
Belengaz nemênin, ne zor û ne tirs

Beg û şêx û axa bibin kevnepirs
Li her der nemênin, ne zor û ne tirs

Li eywanê Kesra bikin guft û go
Bi şadî bijîn tev, çi lê û çi lo

Li her der hebî ronîya kareva
Reşî qet nehêlin di nêva şeva

Tirên bê bi himhim, gelî bidine deng
Bi bala ve rabin kur û şox û şeng

Li ser van sitêran bikin geşt û ger
çi halan û talan, çi lêdan û şer!

Biçûk wek gul û çîçekan geş bibin
Dilê dê û bavan bi wan xweş bibin

Li ser van çeman em pira çê bikin
Li her cî û şûnan sera lê bikin

Ku rista welatê me bî wekhevî
Ji her kes re mal û sewal û zevî

Li her der wekî hev bibin şar û gund
Bijîn tev bi şadî hemî serbilind

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Agir û Sohtin
Agirê Evîndarî
Agirî
Ah Şêrînê
Ava Heyatê
Azadîxwaz im
Bargiran Im
Begim Xuya Ye Hûn Natirsin
Bere Bihar Bi Xêr Bê
Bêriya Welat
Bête Hêç Im Welat
Bextreşiya Kurd
Bi Ser Çiyan Ketin
Bilbil û Gul
Bîranîn
Çardehê Temûzê
Çavreşa Min
Cegerxwîn Bes
Cizîrî Rabe Meyzêne
Çûna Qunsilxana Tirk
Dayê Tu Megrî
Dengê Perîşanê (Lo Lo Pismamo)
Dezgirtiya Xortan
Di Bîr Anîn
Di Nav Koma Diza Me
Di Qeyd û Bendan Ranazin
Di Vê Rê De Siyamend Im
Dilgirtina Kora
Direvim
Dîwana Derdê Millet e
Dîwana Min Derdê Millet e
Diyariya Yarê
Ebrû Şevê
Êlperestî Nexeşiyeke Dijwar e
Em Ji Rê Dernakevin
Eman Hey Lê
Ev Dinya Pir Xweş e
Ev Ji Me Tê Hew
Evîna Dil
Evîndarê Welat im
Ey Felek
Ey Heval Robson
Ey Welat Dûrim Ji Te
Ey Xortê Ciwanmêr
Ez Gelek Tî Me
Ez Nexweş Im Îro
Ez Nizanim Çi Bêjim
Ez û Gundê Hesarê
Ferat Im
Fidakarê Welat Im
Giryan Im Bes e
Gotina Welat
Guh Bidêr
Gulfiroş
Gulî Şengê
Hawar Hewar
Hetta Kengî Di Xewda Bî
Hêvîdarî
Hey Qehreman Milletê Kurd
Ho Ho Hevalo
Hovîtîya Dijmin
Ji Bin Destan Tu Derkev
Ji Qedrî Can Re
Jin Hene Jinkok Hene
Jîn û Hebûn
Jin û Jîn û Jîndarî
Ka Kevin Nadêrin
Kaniya Evînê
Keça Kurd
Keko Ez Bilûrvan Im
Kengî Tê Bê
Kî Hilgirî Vî Barê Min
Kilama Hêviyê
Kîme Ez
Koma Miletan
Kurdistan
Kurdo Namûs e Rabe
Lêvşêrîna Min
Leyla Şehîd
Li Rojhilat
Lorî
Maçek Ji Lêvan
Mela Banga Sibê Didî
Mela Rabe
Mêrane Rabin Xortên Kurdistan
Mirovname
Mizgîn
Nexoş Im
Nûroz e
Partîzanî
Pendname
Pîr Bûm Dil Pîr Nabî
Pîra Torê
Pirîsk û Pêt
Port û Şîret
Rêzanî
Şahnema Şehîdan
Sala 1959ê (Kengî Bixêr Bêtin Buhar)
Şam Şekir e Welat Şêrîntir e
Sebra Dila
Serxwebûn
Serxwebûna Mirîşkan
Serxwebûna Mûriyan
Seydayê Xanî
Sih û Sê Roj Di Zindanê
Sîmên Sayê
Tiştên Kesnedî
Welat Welat
Welatê Çirto û Virto
Welatperestî
Wezîfey Xom
Xabûrê
Xweş Beden
Ya Kurdistan Ya Neman
Ziman