Helbest

40 xwendin.

Ciwanê Amûdê - Halana Dil
Roj diçû ava..
Tariyê perda xweyî reş
Berdida ser riwê gerdûnê.
Gund..û..bajar...
diketine xew
Heyvê şerm dikir
Pişta xwe dida te..
û xatir nedixwest û diçû...
Stêr direviyan..
dilê evîndarên te xemgîn dikirin û..
ew jî diçûn.
Amûdê......keleha êş û xeman
tu bi tenê şiyar dima.
Li ser masa derdên xwe..
te şîva evîndarên xwe..
lehengên xwe.. can fîdayên xwe..
amade dikir û..digel barçemokan,
te guliyên helbesta xweyî westiyayî..
dihûnand
Landika êşên te,
evîndarên te, giyanên sotandî....
lehengên te.. li asîman..
firişta dihejand....
Pê re dikirin sema û..
dibin çengên xwe de..
bin ax kirin....
Amûdê...
Birçiyê helbestême.
Bêriya zivistanên teyî bi şwînî dikim..
û..fîxanên bi axîn li kolanên te..,
cadeyên teyî jibîrkirî,
tenûra nanê teyî germ sarbûyî,
dastanên dînê teyî baqil.
Hewar digot:
-Xwedê nehêle..
Wê ji kêre bihêle,
ji kêre nehêle.
şêxê doda li gola Enter..
Mirîdên xwe dicivandin,
li erbanê didan
şermola dihejandin...
çîrokên binaxkirî vedijandin
Ji xew şiyar dibûn.
çîrokên.. çîrok ji hevre digotin
Mindalên..
ku zû ji himbêza dayikên xwe..
koçber bûn..
bi refên çûkan re,
bi firiştan re..
dojeh dixemilandin..
Qedera min bi a te ve girêdayiye
Qedereke nepen..
Dara jiyanê ji mêj ve..
pela te hilweşandiye.
Rewşa te awarteye,
dayika min,
evîna min.
Ta kengî di payîzê de,
di bin pelên hilweşyayî de..
Bê dengiya xwe veşêre......
Li ser şêlakê.. herdem navê te..
dinîvîsînim.
Lê pêlên derya hiltîne...
Karwanê omîdê..
te li pişt xwe dihêle.
Gerdelûlê..giyanê te dilerizand...
Tu germî..sar nabî......
Hevîrên xwe li tenûra te dixistin..
Te dipêça..
li şoreşgêran belav dikir..
şoreşa hebûnê..
bi te berdewam dibû.
şahrezad*..
dilpakiya te bû...
Toş..
welatparêziya te bû...
Herifandina...
keleha zordariyê,
Awirek ji awirên tolê bû..
Ax,ax,ax..Amûdê.
Nema dikarim,
li hêviya wê rojê...
bimînim
Ezê bimrim....
Giyanê min bi axa te şa bibe,
Min pir ji te hezkir
Amûdê.... Dayika min evîna min..
---------
*şehrezad: navê sînema amûdê bû a ku di sala 1960 hate şewitandin û bêtirî 280 zarokên kurd têde hatin şewitandin.

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Azadî
Barana Dilovaniyê
Bêbextî
Bêjî
Berzanî
Bîranîn
Çarenûsa Min
Çavên Te
Çîrokên Xweda
Dara Hêviyan
Dayika Min
Dibêjin:
Emanet
Erê
Êşa Min
Evîna Derewîn
Ez û Xweda
Felek
Giriyam
Heyv
Ji Nuh Ve
Keça Min
Kurdim Ez
Li Wir
Ma Wisaye?
Min Dihêle
Mirin
Name
Naxwazim
Ne Poşman Im
Negiha
Newroz
Omîd
Paşmayî
Payîza Yekemîn
Qedera Min
Qencî
Qewîtî
Rast e
Rastî
Rojên Me
Semtina Qederê
Sirûda Jiyanê
Têkçûn
Tu Yê Bimînî
Vaye Şoreş
Venasîna Dawî
Welatê Min
Wêneyên Hêviyan
Westiyam
Xapandin
Zemawenda Şwîniyê