Helbest

35 xwendin.

Dilbend Xelîl - Perî û Firişte
Bejin zirave wek taye
Tu rîhana li ber baye
Tu şahgula her gulaye
Guleke tu pir hêjaye

Tu li cem min tu her tişte
Di çav min de tu buhişte
Tu perya pak û firişte
Bi tîrê çav te min kuşte

Tu meşiya dil westiya
Porê reş di binya piya
Ji mir di bên ka ew kiya
A gi tu ji ber hiliya

Yek pir naz dar û delale
Xuşik ew wek gula lale
Hêsrê wê xunav û jale
Nûjene xibşa xezale

Xezale û ew di meşe
Bêhna wê tê gelkî xweşe
Şepal çeleng û keleşe

Keleş û pir rengîn mi dî
Ew bi koka xwe amûdî
Bilind wek çiyayê cûdî
Ne kêm pîpan û nemrûdî

Bi rengê rûkê xwe gewre
Wek dur û lal û gewhere
Rûdêm li hev ew hunere
Ew ne a şivan perwere

Hunera xwedayê hejar
Ew dêm rengê gula hinar
Dilgeş û dilşad wek huhar
Guleke ew li gulîzar

Li gulîzara kurdistan
Li nav bax û nav daristan
Li nav gula û nav gulîstan
Warê mû te şarê botan

Bi xwe tu ne kêmî zînê
Xuşik xuşik tu şêrînê
Tu stêr û heyva evînê
Rohnî dide vê zemînê

Zemîn bê te bê rohniye
Çiya bê te ew bê siye
Cîhan bê te ew sêwiye
Dunya bê te ma ew çiye

Tu nîşana vê cîhanê
Tu heyv û stêra ezmanê
Tu mîra vîn û viyanê
Tu gula li kurdistanê

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê