Helbest

40 xwendin.

Dilbend Xelîl - Yara Min Kurdistan e
Sipî boze , bilind poze
Dil bi soze , nerîn doze
Ebrû moze , ew newroze
Yara min ew kurdistane

Naz û xweşe , zevî geşe
Ew keleşe , lat û beşe
Seyran meşe , kar lê xweşe
Yara min ew kurdistane

Ew Kurdistan , ew şehristan
Bax û bustan , gul , gulîstan
War goristan , cê şehîdan
Yara min ew kurdistane

Yar û yare , xweş buhare
Gul buhare , gurê hare
Zar û jare , cem neyare
Yara min ew kurdistane

Bi zagrose , bi torose
Ararate , xweş xelate
Bi hemrîne , şerfe dîne
Yara min ew kurdistane
Xwedya vîne , mem û zîne
Ew şêrîne , ferhad dîne
Warê vîne , pak zemîne
Yara min ew kurdistane

Ew bi çiya , cem me hemya
Çem û derya , gul û giya
Hingi dunya , a me hemya
Yara min ew kurdistane

Bi sînore , ew bi lore
Soran gore , hawîr dore
Dijmin kore , zor ew zore
Yara min ew kurdistane

Ser bilinde , naz û rinde
Heyva gunde , pir lewende
Şêrîne qende , xwedî pende
Yara min ew kurdistane

Ser hildane , a kurdane
War ne mane , lê civyane
Me ew dane , xwîn û cane
Yara min ew kurdistane

Bi reng û rû , me jî da dû
Ew sawîr bû , hate û çû
Bi rengkî zû , me xwe xist dû
Yara min ew kurdistane

Em ew kurdin , kurdê kurdin
Ser bilindin , pak û rindin
Xweş comerdim, can em berdin
Yara min ew kurdistane

Bi dû kezî , furat mejî
Dicle kujî , yarek kejî
Pêre dijî , hûn û ejî
Yara min ew kurdistane

Law ew rustem , law ew deysem
Kar û berhem , dikin her dem
Ser me her dem , axîn û xem
Yara min ew kurdistane

Ew hevale , pir delale
Hawîr lale , reng şemale
Bi kendale , cê hevale
Yara min ew kurdistane

Dem ne mane , zû bazdane
Bik peymane , ser xwe cane
Bo welatê , kurdistane
Yara min ew kurdistane
1/5/2004

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê