Helbest

86 xwendin.

Ebdulla Peşêw - Eger Emcare Bêmewe
Eger emcare bêmewe:
beyaniyan;
wek berxoleyekî sawa,
le naw qersîlî parawa,
til dexom û giyayêkî tift têr têr decûm,
ta kift debim,
pê û belekim le şewnimî sard helldesûm!

Eger emcare bêmewe:
wek simore,
be darguêze berzekana helldegerrêm.
Wek pelle hewrêkî newî
ber ser kêllge sewzekana dexulêmewe.
Wek şengebî,
be ser çema,
be ser gişt zinarekanî
kenara
deçemêmewe.
Ax! Bes emcare bêmewe!

Eger emcare bêmewe:
Serenc dedem,
gulle genim çon zerd debê,
hernar û sêw çon pêdegen,
qetiyekan
hêlaneyan çon çêdeken!
Serenc dedem,
zerneqûte çon ball dergrê,
perresêlke koçerekan
le ser têlî karebay rê, çon rêz debin
cogelekan le kuêwe dên
Bo kuê deçin!
Eger emcare bêmewe:
Le goy memkî her kaniyêk,
qume awêk dexomewe
giştyan dekem be daykî xom,
le her eşkewtêka,
şewêk,
ser be gaşe berdêk dekem
giştyan dekem be lankî xom!

Eger emcare bêmewe:
Zimanî girr dehênimewe -
bo lalekan
şaperrî girr dehênmewe -
bo firrinde bêballekan!
Eger emcare bêmewe:
nahêllim lawan gull biçinin
bo guldanî mirdûy ser mêz
fêryan dekem,
ke çûne jiwan,
le berokî kiçanî den
pêş ewey biyankene amêz!

Eger emcare bêmewe:
- Minallanî Moskoy çawşîn fêryan kirdûm -
bê şîrînî ser nakem be hîç mallêka,
zor colaney nerm û sade
bo minallan helldebestim,
le cejnî ledayk bûnyana
- ke niyane ! -
beşdar debim,
lebatî mom, dadegîrsênim engustim
girr berdedem le gilêney çawekanim,
le sawatirîn hellbestim!

Eger emcare bêmewe:
Her bêşkeyêkim bête rê,
beşêneyî,
beserya denûştêmewe.
Ax, minallan!
Ax, bes emcare bêmewe!

16. 5. 1975. Moskow

2
Ey daye giyan:
Le yadme, ke minall bûm
eşqî tamî tift û tall bûm -
Gillim dexward,
qurrim decû,
toş, zilleyekit lê dedam
hemût pê turr firrêdedam!
Ey daye giyan:
Ksta, gewrem û minll nîm
eşqî tamî tift û tall nîm.
Keçî, eger emcareşyan
rêm bikewêtewe Bêrkot,
lêşim bidey,
lêşim heram key şîrî xot,
min be teşiyekey minllî derrêsmewe -
dar, berd, gill, qurr,
çîm bête rê deylêsmewe!

17. 12. 1975. Moskow
Bêrkor: Gundêkî biçkolaney bin Hewlêre, cêy hatine dinyay şa´íre.
berxole: berx. qersîl: hişînahiya taybetî ya ku pez lê diçêre. paraw: avdar. til: gurz.
tilxwardinewe: tulquzîvedan. tift: nîv tal û nîv tûj. kift: westandin. belek: çîp. helldesûm:
şil dikim. berzekan: yên ku bilind. newî: nivî; nizm. dexullêmewe: dizîvirim; têm û diçim.
gulegenim: weşî. qeteyekan: ketî. zernequte: çêlikên çivîkan yên ku nû ji hêkan derketine.
perresêlke: dûvmeqesk. go: gumk; serê memikan. qume awêk: kulmeke av. gaşeberd:
zinar. ser mêz: ser masê. berok: yaqe; hembêz. engust: tilî ; bêçî. be şêneyî: hêdî.
denûştêmewe: xwe diçemînim. gill: ax. qurr: herrî; çamûr. zille: sîle. deylêsimewe:
dalêsim.

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Aştî
Awête Bûn (Têkilî Bûn)
Berawird
Birakujî
Bo Mazlûm Kobanî
Bo Qerecekê 1
Bo Qerecekê 2
Bo Qerecekê 3
Bo Roze
Çend Wişeyêk Derbarey Dillî Xom
Cîhanî Azad
Çima Çîtan Hêşt Dabeşî Neken
Dayk
Dêwere û Ker
Dîktator
Diwalaperrey Yadaştî Dilldarêk
Efrîngrad
Eger Hatî, Tenya Were
Elarm
Emsal Newroz Nakem
Futboll
Ger Sêwêk Bû
Gulleberroje
Hem Tom Xoş Dewê Hem Ewîş
Hestin
Ke Be Le Min Mandutir Be (Ma Kî Ji Min Bêzartir e)
Kobûnewe
Kudeta
Kurdistan
Le Destim Dê
Ledayikbûn
Li Ber Derge (Li Ber Derî)
Manîfestoya Kobaniyê
Merc
Mezad
Muzê
Name
Nîştiman I
Nîştiman II
Sedan Sale
Serbazî Win
Şew Raşika (şev Daket)
Şewnwêjî Namoyan 1
Şewnwêjî Namoyan 2
Şewnwêjî Namoyan 3
Şewnwêjî Namoyan 4
Şewnwêjî Namoyan 5
Ta Ku Çiraya Me Geş Nebe
Tênagihêm
Xewn
Xeyb
Xoşim Dewêy (Ji Te Hez Dikim)
Xunaw