Helbest

128 xwendin.

Ehmed Huseynî - "JANYA"ya Rênas Jiyan
Brûskek bo helbestvanê kurd Rênas Jiyan
û hevalên wî yên di zindana Mêrdînê de*

Li paş wan dîwarên asê,
çendîn bask li ba dibin
û çendîn sorgulên hesretê
li ber keviyên dilên we yên ji axê, diçelmisin?

Ma evîna (Janya)yê li wir e
yan serbir û pasvanên psîkopat
ên pencereyên xewnê?

De ka derdên zimanê xwe bibêjin
û çîrokên xewnê ji qederê re raxînin
da rexên beravêtî berên xwe bibînin
û gumanên ji kevir li hêlînên şewatê vegerin!

De destên xwe ji agirê sirûdan
ber bi ava xewnê ve rakişînin
û silavên xwe li ser bişkojên nexşeya ji giryanê
li cî bihêlin!

Dîwarên ji xwînê bibêjin!
şevçiraxa çavê zînê bibêjin!

Mîna ko gotin di zindanan de ji dayik bibe
û xetîreya bengîn radestî taristanê bibe
û xweşmêrê ximavê ber bi dastana reş
a nemanê ve sernişîv bibe,
bibêjin,
mirina jiyanê bibêjin!
Dûmana sibehên ji toza biyaniyan
bibêjin!

Bîna bin çengê çiyan
û velerzîna giyanê riyan
û xwekuştina pinpinîkên sînga diyan
bibêjin!

Bejan bibêjin!
Avan bibêjin!
û reşgirêdana helbestan bibêjin!

Hespên xwe amade bikin
û dîrokê bibêjin!
Pirsên xwe amade bikin
û serjêkirina kevokê bibêjin!
Mûmdankên xwe amade bikin
û tolgirtina bîhokê bibêjin!
Reşbelekên xwe amade bikin
û nehwirînê geş bikin
û ji serî ve çîrokê bibêjin!
Ji dawî ve çîrokê bibêjin!
Ji nêvî ve çîrokê bibêjin!
û
û
û
Ji LALî ve çîrokê bibêjin!

Stockholm, 19-05-2002
*Nûçe: Rewşenbîrên kurd li Tirkiyê hatin işkencekirin

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Amûdê
Bo Mihyedînê Cizîrî
Bo Remzî (S. Rêving)
Bo Rojîn û Xelîl
Bûka Agir
Çarçira
Ciwan
Dastana Şêx Ehmedê Huseynî
Dayîk
Di Şeva Hîcranê De
Dîlan
Dîsa
Dûrî
Duşema Girtîxaneyê Li Amûdê
Evîna Te
Ferat
Girê Şermola
Kobanê 1
Kobanê 2
Kobanê 3
Menal
Newroz û Serbitackirina Qublenameya Giyan!
Pirs
Ronahî
Rono
Rono 1
Rono 2
Rono 3
Rono 4
Sê Şar In Lê Digirîn
Seîd Rêzanî
Şemiya Toşa Amûdê
Serêkaniyê
Şingal
Şino Can!
Sîpano
Taha Xelîl
Teşiyên Mijê
Tilî
Vê Êvarê
Vê Şevê
Vê Sibehê 1
Vê Sibehê 2
Vê Sibehê 3
Vê Sibehê 4
Vê Sibehê 5
Wek Mirinê Tu Bi Lêv Dibî!
Xwe Amade Bike!
Yekşema Sînemaya Amûdê
Zerdeştê Biharê