Helbest

26 xwendin.

Ejder Rûbarî - Mûsim Feritî Genim Şewitî
Sala me bûrî du hezar û heşt
Mûsim feritî, firing nema li dest

Heyva deha hat, bi xêr û serbest
Ewra xwe karkir ser hev bûne rext

Baranek barî, milîm bîst û heft
Ejder Robarî dilê wî ev xwest

Heyva yazdeha vaye bi xêr hat
Min genim çandî, roja bîst û heşt

Bo bîst û nehê baranek barî
Ejder nivîsî milîm çil û heşt

Heyva dozdehê, ser çava werê
Hate bîra min, çîroka berê
Omîda min hat, wê baran werê

Du hezar û neh, heyva yekaye
Baran qut bûwe, hişk û ziwaye
Pale û cotkar, reng´ l wa nemaye
Dîsa tirsehan got erd ziwaye

Pale û cotkar yê ku erd çandî
Dîsa poşman bûn ku tov reşandî

Pêncî û yek rojî baran ji me qut bû
Heyva didiwa erda me şilbû

Ewrê nû hatin ketin ezmane
Rojek tavike çara barane
Adar xilas bû vaye nîsane
Bihar xemilî deşt û zozane
Geya seridî dara gul dane
Mûsim eminî genim girane
Xeberê bide gundî û cîrane
Ji şamê werin dêrik seyrane

Ji şamê werin cotkar û pala
şerm û kirête welat ma vala

Welat şirîne qet ji bîr nekin
Meyzê em kîne bi nav gelekin

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê