Helbest

29 xwendin.

Girê Dersilê - Şoreşa Kurdistan
Evê şoreşa Kurdistan
Bûye hêviya bindestan
Ji bo rizgar bin ji destan
çek hildane keç û lawan

Tev xwendevan û mamoste
Hem hunermend û hem hoste
Cengê dikin bost bi bost e
Xwes dixwînin weke kewan

Karkerên li karistanê
Xwendevan li dibistanê
Serhildana Kurdistanê
Gelan şiyar kir ji xewan

Rewşenbîrên jîr û zana
Tîrêj dabûn van nezana
Yekîtiya van xizana
Dijmin kir kovana xewan

Keçên li malê delal in
Bo welat şît û şepal in
Mêtinger tev xirabhal in
Ji tirs û xof û ji sawan

Tev serbilind û zanane
Karker gundî şiyar bûne
şewqa ji find û mûmane
şivanê pezê li pawan

şoreş gula rojhilat e
Ges bû bi kar û xebat e
Bo wê ceng li kevr û lat e
Kurd çûn ser bi lez û rewan

Geh bi êrîş û bi lêdan
Bi têkoşîn û berxwedan
Bo rizgariya Kurdistan
Tim li kedxwar dikin dawan

Gulan.1991, Amed

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê