Helbest

49 xwendin.

Jan Dost - Sond Mexwe
sond mexwe êdî nema bawer dikim
ji te wan sondên li dû hev tu dixwî

te dilê min wek peyalê perçe kir
lew dizanî hew meyê jê vedixwî
**
sozê te wek hewrê havînê zuha
tev li ber bê çûn û baran min nedî

min nizanîbû bi wan lêvên şekir
tu li ber vî dilî xefkan vedidî
**
here dil bêhêvî maye dilberê
sond nema fêde dikin hey derewîn

dê bi car de te ji bîrkim û bibêm:
weke xewnek xweş bi min çû ew evîn.

Bêrût 25.1.91

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê