Helbest

45 xwendin.

Jana Seyda - Şeva Dawî
Herdu çavên te bûn
Yên xemgînî
Ji xewnên binefşan
Didizîn

Herdu lêvên te bûn
Yên rezên tirî
Talan kiribûn

Di şeva sar
şeva berfê de
Evînê
Koç bi koç ji dilê me
Bar dikir
Em di rê de dimeşiyan
Pêjnên me berf
Maç dikirin
Destên me yên xwîdandayî
Xatir ji hev dixwestin

Di wê şeva bêdeng de
Tiştek li ser rê
Nemabû
Ji bilî
şopa evîneke winda

Ji pirtûka wê ya yekemîn "şeva dawî" (Avesta, Istenbol, 2001)

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê