Helbest

104 xwendin.

Melayê Cizîrî - Bi Narê Firqetê Sohtim
Bi narê firqetê sohtim
Ji ferqê ser heta pê da
Xedenga xefletê nuhtim
Ji berqa lami`a tê da

Xedenga firqetê re`d e
Dilê ew xefletê lê dit
Dibêjim wer cebel bit ew
Bi ker bit wê di gavê da

Heçî firqet nedî hicran
Nebê min dax û key lê ne
Ji bil derbê di hicranê
Firaqa rûh û can kê da

Ji her bêdax û bêderdî
Mepirsin mihneta `işqê
çi zanin bê xeber jana
Dilê dax û keser tê da

Kesê mihnet dî û firqet
Vexwarî cer`eya hicrê
Girî wan tê bi halê min
Di vê hicran û zecrê da

Bi dama muhbetê bend im
Xedenga firqetê dil nuht
Bi şubhê murxê nîmbismil
Di hev wertêm di xwînê da

Birûska batinî da dil
Di pêtê sîne wê werbû
Ko dê bêtin tebêta dil
Di nav wê nar û pêtê da

Ji ulfê şubhetê zulfê
Medam lew bêqerar im ez
Ko canê min `ezîz îro
çû û dil wê di ulfê da

Ji mehbûb dûr kirim çerxê
Felek wê pir hilavêtim
Nizanim dê li kû dit min
Di vê dewran û çerxê da

hebîbê bêxeta kuştim
Bi derba firqetê axir
Ji wê rojê dizanî min
Ko yar ew tîr li cergê da

Gelo dîsa bibînim ez
çiraya weşletê hil bit
Bisojim şubhê perwanê
Di ber wê nûr û şewqê da

Bi derba kewkeba Subhê
Li meşriq Zuhre tali` bit
Zuhel dûr bit bi şeş bircan
û winda bit di xerbê da

Ji qundus Zuhre peyda bit
Ji hindis Muşterî bêt der
Spêdê dit sureyyayê
şefeq dit qametê pê da

Ji şewqa ebrûyan binmêt
Hilal dîsa di qewseynan
Ji xawer bête xwirşîdê
Zelam werbit di nûrê da

Bi werdan zeyyinîn gulşen
çimen da lale bişkiftin
Binefş û çîçekan vêk ra
şefeq da yek di rewdê da

Sehergeh `endelîb mest in
Ji bihna werd û bişkojan
şubih tûtak û goyînan
Dinalin em di firqê da

Li kelbê asitanê xwe
Nepirsî qet hebîb carek
Gelo nayêne bîrê em
Di vê nêçîr û ravê da

Dizanim şehsiwarê min
xezalek wê di fitrakê
Bi cayî şeydê ez bûma
Di wê fitrak û bendê da

çi heddê sed hezar can bin
Di fitraka hebîbê min
Ko sed Cimşîd û Keyxwisro
xulam in ser devê rê da

Di deh salan mulazim mam
We yarê rû neda carek
We ger ne yar eger rû dit
Heye carek di salê da

Dilo mizgîn e min şa be
Ko sultanê me dê bêtin
Ji min bawer ke peyxamê
Seher mizgîn bi min pê da

şukur bînahiya min hat
û Ye`qûb dîde rewşen bû
Bi boya Yûsifê Misrî
Li Ken`anî beşer peyda

Nesîmê sinbil û sêvan
Seher da hebs û zindanê
Vebû qufla me bêmifte
Ziringînî ji quflê da

Firaqê, şev bi axir çû
Spêde kifş-i bû dîsa
Merîxa nehsê ava bû
Xwiya bû roj di şerqê da

Di çerxê wek nucûm dêmdur
Sema hatin qirana yek
Heyîva bedrê bû ew
Surperî min dî di reqsê da

Ji Wadiyê-eymenê dilber
Nizam enguştek izhar kir
Ko xweş enwarê berq in ew
Tecella bûn di torê da

Qirana Zuhreyê min dî
Di ber `iqda sureyyayê
Ji perwînan dibêjim `eks
e hêj keftî di camê da

hebîbê `ezmê suhbet kir
Di caman lew şerab anî
Dilê min dî du şeyyadan
Ji biryan ra berî wê da

Bi tolên asitanî ra
Vexwendim mîr bi dergahê
Bi vî çavî hebîb dîtim
şukur ev şefqe Mewlê da

Ji şeklê ebrûyên saqî
Hilatin sed hilal îro
We bedrek min muqabil dî
Işaret min ji `eksê da

Bi zehrê xwey şerîf xwendim
Ko xidmetkarê dêrîn î
Te pir cewr û cefa dî ne
Di sulûk û se`y û cehdê da

Biçîn werdan ji gulzaran
Ko exyaran bi dest xar in
Ji mexşûşanê dergahê
Du `am in ew di hecrê da

Bi teşrîfa xwe ez xwendim
Ji lutfê bende nîşan kir
Xelat û şefqe û dildan
şukurxwaz în ko Baxwey da

Mi hadir secdeya şukrê
Li wê `erda muqeddes bir
Bi mujganên xwe dur suftin
Enî malî li `erdê da

Heya bînahiya çehvan
But û `Uzza û Latê min
Tu yî pêşber sucûda min
Sehergahan di xelwê da

Li bal `ilmê te me`lûm e
Ji jînê min tu meqşûd î
Fidayê can me dê can bit
Di qesta wesl û dînê da

Bi husna xwe ilahî kî
Bi sehm û heybeta dînê
Nucûm û kewkebê lami`
Ji bala tên bi bejnê da

Bi xalên werd û nesrînan
Ji qudret xet kişandî lê
Bi terha nêrgiza `êlî
Sehergahan nesîm lê da

Ko tolê asitanê dûr
Nekî êdî ji dergahî
Ji Baxwey vê rucû nakîn
Di babê lutf û rehmê da

Tu narê firqetê zanî
Dikarim ez tehemmul kim
Diyarê kohê Qendîl im
Meger fîl im di `işqê da

Zehê derdê mezin firqet
Ceger sot ateşî da dil
Cihê şebrê nema çendan
Ferec min dî di sebrê da

Mela bê qameta yekta
Qiyamet min bi çehvan dî
Firaqê rûsiya bin te
Ji min canê şîrîn cê da

Şîrove

Xalid
01-12-2019, 00:18:10

Ez vê helbestê her dem ji Deng û şîroveya Necatê Zivingî guhdar dikim gelek xweş e...

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Ahê Ji Derdê Dil (Çerx)
Ahi Ji Destê Wê
Aşiq Er Carek
Bê Lebê Lelî Mela (Çi Hez)
Bi Husna Ehseni
Cana Ji Cemala Te
Çîn Çîn Kirin Zulfên Siya
Daneyên Enber
Der Heq Me
Derê Meyxaneya Işqê Seher
Destê Qudret
Di Dest Da Yengiyek Nûbar (Ebrû)
Dil Ji Ilacê Ko Bi Der Ket Mizac
Dil Yek e (Bes)
Dilber Şikêna Şekerek
Dilbera Min Seherê Hat
Dilberê Îro Seher
Dilberê Serdarê Xûban
Dilberê Serdarê Xwiban
Dîsa Ji Nû Bêhal e Dil
Dîsa Li Bedrê Katibî (Xet)
Ellah Sehergaha Ezel
Er’erxerama Bi Qedd û Qamet
Ewwel Ko Yarê
Ey Nesîmê Seherê
Ey Nesîmê Sibehê
Ey Şahidê Qudsî
Ey Şehinşahê Mu’ezzem
Ez Nizanim Sebebê Yarê
Feleka Etlesê
Ger Bidiya Ew Senema Surcemîl
Ger Ji Wê Horîsiriştê
Gerçi Bilbil Cewherê Zatê Gul e
Hê Di Ber Qalûbelayê
Hêvî û Tewqe Dikim
Heyf Di Qeyda Xak û Gil Bit (Rûh)
Heyheya Reqs û Semaya Te
Îd e û Da Alemê Bangi Şefayê Xas û Am
Îd e û Herkes Ji Dîdara Te
Îro Ji Derba Xencerê
Îro Ji Husna Dilberê
Îro Ji Nû Pir Ateş Im
Îro Ji Remza Dêmdurê (Dil)
Îro Ji Şehkasa Surê
Îro Mela Serapa
Îro Mi Dî Weqtê Seher
Ismê Te Ye
Işqê Ko Bidin Bi Yek Du Erwah
Ji Mabeyna Du Ebrûyan
Ji Remza Dilberê Dîsa
Ji Rena Nêgizên Tey
Kes Bi Dada Me Nepirsit
Kes Nedye Sehergeh (Bezma Evînê)
Ko Işaret Bi Bişaret Bidirit Nexmeya Çeng
Latê Husn î û Şehê Xuban î
Lew Seher Cewlan Didit (Rast û Çep)
Lillahil Hemd Ji Yarê Me
Me Bi Dil Nêrgizên Xasse Divên
Me Ji Bil Husn û Cemalê Çi Xered
Me Lew Fincan Li Ser Dest e
Mehbûbê Bi Dil Bit
Mela Me
Meşşateyê Husna Ezel
Mey Nenoşî (Xelet)
Min Di Ber Qalû Bela
Min Di Dil Kovan Hezar In
Min Dî Ji Xeflet Cam Di Kef
Min Dî Seher Şahê Mecer
Mizgîn Ji Me Ra
Muhbetê Mihnet
Muxbeçeyên Meyfiroş
Namê Enberşikenê Bêt (Meke Behs)
Nazika Min
Nazikek Min Seherê Dî
Nêrgizên Şeng (çep û Rast)
Newaya Mutrib û Çengê
Neyşekera Gerden Ji Ac
Peyweste Du Ebrû
Pir Meke Israfê
Qelbê Me Şubih Zêr
Remzek Ji Nesîmê
Remzên Te Di Canan
Şah Bi Qesda Kuştina Min
Şahidê Cilwenuma Qudsiyê Feyrûzelibas
Şahidê Qudsînişan Husn e
Sebahul Xeyrî Xanê Min
Şebê Qedrê Li Me Rewşen Ke
Selwa Sehîqed Xemilî (Reqs)
Senema Sur Ji Semed Neyşekera Leb Ji Nebat
Senema Sur Ji Semed Şewqê Ji Heq Daye Wucûdê
Senemê Ji Qewsê Ebrû
Ser Didit Abi Kewserê (Zulf)
Şerbeta Lam û Beyan (Nadim)
Serê Zulfa Te
Şêweyê Dilberê Bizan Sunnet e (Ferd)
Şimşadi Xeram û Serwi Xennac
Sirrê Wehdet
Şox û Şengê
Tealellah Zehê Husna Mubarek
Tor im Bi Dil û Peyrewê Mûsa Yim Ez
Tu Dizanî Bi Xudê Min Tu Xiyal î (Şeb û Roz)
Tu Sehergeh (Hudûs)
Turreya Tabidarê
Umrê Dayi Bû Me (Ebes)
Vê Firqetê Ebter Kirîn (Feryad Ji Destê Firqetê)
Were Canim
Wey Spêde Ji Bircê (Mahi New)
Xanê Xanan
Xelqo Li Min Kin Şîretê
Xema Işqê Perêhtim Ez
Xeşmê Li Feqîran Meke
Xwîn Ko Ji Dil Bi Mewci Bêt
Ya Reb În Guldeste
Yarê Me Pir Nîşan û Sir