Helbest

45 xwendin.

Mem Ronga - Va Destê Min
Ne tenê me di vê evînê
Ne tenê
Birayên min hene li çar alî
Li çar alî dinê
Reş û spî, bindest û azad
Birayên min hene li çar alî
Hina rêzil qetand
Hin dikojin

Rûreşîya mirovatîyê
Birîna min î xedar
Mêtingahkarî
Bi tang û top û napalmê
Di sikratê de hovtir
Êrîşan tîne

Bo spêdê pirr nema
çar perçê dilê min
Yek stranê dibêjin

Dizanim êdî
Hêvî nexweşîn e
Ger nehatibe strehandin
Bi dengê gerran û kerane
û reh bernedabe
Di axê de

Destê min
Li destê te digere

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê