Helbest

26 xwendin.

Qado Şêrîn - Yara Jibo Nivînê
Yara min hat bi dev kenî
rivîn evîn kir wek benî

Evîndarê te me yarê
sêngê sêv da wekî darê

Buhara bexçên nû dêman
digel nîv laş bûye hêlan

Da min bi lez serî hilda
herdû çavêt yarê winda

Bi lez du sêv hilfirandin
çûme lêvan xweş mijandin

Tîr di dil û can de boşe
dev di bexçêd yarêd xoşe

Bi dest bi hêz hembêz kirim
bê hiş bê weş bê kêr kirim

Di ser de ta bûm koledar
bexçê jêrî radayê dar

Werbûm di bîra bê binî
da avdim bexçê ser binî

Bîrek mîna gula geşe
zuhaye lê kolan xweşe

Geh li jêrim geh li jorim
tev ku westyam hîn di kolim

Digel mû wê ceng û şere
sotim wêna ez bi xwe re

Qulaptim wê kirme jêrî
pê jihev dan bûye nêrî

Rada û berda xwe benî
ta jêr û jor tevda kenî

Di ser hev de mane danek
bê hiş bê weş bûne canek

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê