Helbest

38 xwendin.

Qasimê Xelîlî - Evîneke Har
Evîneke pirî har
Li dil diçand wê haşhaş
Riya wê tûj e dijwar
Pira siratê ma şaş

Laşê min xwerha li min
Sewda reş gerha li min
Ketme rê weyla li min
Zemt kir ji qelb serî w baş

Ji qelbî dest bi min kir
Ya nemayê li min kir
Heta bi hiş zulim kir
Wê narqozek dida laş

Li baxê vê evînê
Nesaxê dil di şînê
Hinav sor kir ji xwînê
Dikê w nakê nabê haş

Ma gilihê kê bikim
Ka naxwe dil jê bikim
Bavêjim xwê lê bikim
Eyn evna ya herî baş

Min nego dûrî xwe ke?
Evînî ma henek e !
Çav li Qaso qet neke
Dilê wî her tim li kaş

12.09.2017

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê