Helbest

65 xwendin.

Qasimê Xelîlî - Ez Te Dijîm
Beybûn û reyhan vedibin çarmedor
Gul geş û xweş bêhn vedidin xemrî sor

Qozeqerek reng vedidê l`ser dilî
Tên xemilîn hingî çiya b`keskesor

Perperîk û çûk difirin kêf bi coş
Bilbil û şalûl dixwênin lorî lor

Bayê siharê nesîmî l`ba dibê
Min heye qadir bifirim ez li jor

Ha ev in ên ez li vê jînê dijim
Wextê bi bîra mi tu tê canbigor

Her nefesa ez dikişênim tu wî
Ya herî baş pê dizanê zengilor

Her zere xwîna mi tu wî dilberê
Tu d`herikê her kêliyê sor û şor

Her timî l`bîra min î jîna min î
Sibh û êvara te dijim bêsînor

Qelbê mi zikrê te dikê şev bi roj
Ew dilê ku b`vînê te lêdayî mor

Qaso bi qurbanê bizan tu hebê
Nayê bi bîra mi ne tirb û ne gor

14.08.2017

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê