Helbest

49 xwendin.

Qasimê Xelîlî - Şaha Min
Ka rê vekin şah va ye tê
Artêş ji awir pê re tê
Dil bû esîrê heybetê
Tarîtiyê û zulmetê

Ala çiqas heybettijî
Kakul çi reş tarî rijî
Şaham bilanê her bijî
Jêrî te bim ta axretê

Ew kakulên tarî xelek
Her yek ji wan marê belek
Qozî diberdan dil gelek
Ew jehr ji dûrî adetê

Jehra ji dest xweş hinguvîn
Ewna dibê taca evîn
Her ku çiqas êş lê civîn
Dil aşiqê vê rûmetê

Şahê kezî kir du pişik
Her yek dibû wek dûpişik
Ez hişk kirim mîna kijik
Nakim gilî l`xweşya me tê

Paşa wezîr bisk û kezî
Ew lev civîn dil go xwezî
Ew rabezin dil xwest lezî
Bû pakrewan çû rehmetê

Qaso li dil şaqis dima
Fêhm kir ji nû dî bê çima
Dil bû ji bo êşa tema
Ew jî giha vê hikmetê

18.03.2017

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê