Helbest

55 xwendin.

Qasimê Xelîlî - Were Ava Heyatê
Evîna te jîn e tav e
Rojê ka wer neçe ava
Ev dilê min bêzirav e
Qut neke j`min tu silava

Tu bi qedrê dê û bava
De were l`ser ser û çava
Durr û Mircana w dirava
Birêşim ber wa pêlava

Bes e yarê felişandim
Qaso hêsîr e di dava
Arê vînê vekişandim
Weke gîrdab û gerava

Evînî pêt û pereng e
Gula qirmiz bi xunava
Ger nizanbê sor çi reng e
Were pirs ke ji hinava

Kaniyek îro gerav e
Tî me ez ketme ji gava
Vînekî kuştim bênav e
Ma kerr î hesnakê lava

Rewanê w ava heyatê
Av nema d`kanî w sûlava
Êdî şîlo jî nema tê
Were pirs ke ji du çava

19.08.2017

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê