Helbest

40 xwendin.

Sêfedîn Qadirî - Li Ser Sînga Demê
Li ser sînga demê
Melevanê kelekê me
Geh li vê hêlê
Geh li wê hêlê me
Carna li nîvê rê me
Berî elend û berbangê me
Li ser pêsîra rast û çepê me
Piştî tarîyê me
Li hêviya gewriya rojê me
Di xewna xewnê de me
Tim bendewar û guhdar lê me

* * *
Li ser sînga demê
Di cirîda hemdemê
Ji paxil û lemê dikim nêçîrê
û diçînim sêv û hinarê
Hêdî hêdî nêzîk dibim ji qolanê
Da ku li bin siya dare maç kim zerî kubarê
(xanimê )

* * *
Li ser sînga demê
Hatim û çûm dîsa têm
Digel bayê evînê, hîn û hezkirinê
Digel pişkiftina gulan
Werzê evîndaran
çaxê xwendina kewan
Himbêzkirina dost û yaran
Têm û têm

* * *
Li ser sînga demê
Siwarê deynasorim
Bazê Sîpan û Xelat im
Xwedanê şaristanîme
Bi asoyên vekirîme
Jiyana bi gul û beybûnim
Berî her tiştî mirovim
Pîrozim
Lê belê fêkî yê jiyanê me
Guldana gerdûnê me
Ez heme û dê hebim
Kurdim Kurdim.
* * *

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê