Helbest

52 xwendin.

Seydayê Tîrêj - Şîna Serok Berzanî
Adarê tu hat ne wek hemû car
Hêviya me ji te ne ev bû Adar

Her sal tu dihat bi mehrevanî
Tev kêf û xweşî û şademanî

Tanî te digel xwe cejnên Newroz
Pêrgî te dibûn em tev bi pîroz

Dosta me tu bû ji dewra Kawa
Xweşya ber dilê keçan û lawa

Bextê me reş e ji ser heya bin
Ma qey tu jî bû digel me dijmin

îro dilxweş in û hem jî xemgîn
Em tev rûgeş in lê dil bi nalîn

Em dev li ken in umîdewar in
Lê ji çavên me hêstir dibar in

îro li me bûye cejn û sersal
Lê derdekî pir giran xwe da pal

Rojek xwe yî xweş nedîn me kurdan
Êşa me giran e, tev ji derdan

Ava Belekê berfê û Sîpan
Qet nakujî agirê dil û can

Bayê Serhedê û Zozanê banî
Hênik nake dil bi zendeganî

Xweşya Hêlekan û Mûş û Wanê
Qet nabe ji dil vê êş û janê

Roja me li welêt nû hat delava
Hîva me li xerbê çûye ava

Berzanî ji vê cîhanê barkir
Umîda me pêk ve tar û mar kir

Sed heyf û mixabin şahê kurda
Van rojên di teng te dev`j me berda

Ey bavê feqîr û dîl û jara
Tem hiştine bê xwedî li wara

Kes nîne serok cihê te bigrî
Dîroka cîhan li ser te digrî

Pey kar û xebata pêcî sala
Meydana welat te hiştî vala

Meydan xalî ye îro ji mêran
Torîk û çeqel li warê şêran

Ey balefira hejar û xemgîn
Tu l`bala dikî hewar û qêrîn

Tu b`xumxum û nalîn û fîxanî
Perwazan didî li jora banî

Xumîna te ya xemê dilê min
Nalîna te ya derd û kulê min

Tu b`gazî ye geh li jor û jêr e
Gazya sibeha tucar ne xêr e

Tu b`lez û bi bez ji Ewrûpa tê
Tenha ku berê te li rojhilatê

Qonaxa te dûr e, çol e ew qat
Warê te ye bajarê Mehabad

Hêdî bilive bi nermî xweş deyn
Siwarê xwe yê hêja tu meêşîn

Siwarê te ye Mistefa yê Berzan
Pêşwayê bilind, bi nav û nîşan

Pir hatî bi xêr ey şahê Berzan
îro li mehabadê bûye mêvan

Mêvanekî pir qenc û ezîz î
Rêzanekî hêja û temîz î

Tu j`mêj ve gelo ji refê xwe bir bû
Millet û welat bêrya te kir bû

Ey dil ca tu rab bi cengebazî
Tu l`kurdan bikî qîrîn û gazî

Kurdên di îraq û Tirk û îran
Kurdên li Sûrî û Yêrîvan

Ji çayê Berzan heyanî Torê
Pêk ve da bicivin hemî li dorê

Ew deşt û çiya tijî bibin kes
Da xayis bimînî çerxê Etles

Deryak çê bibî ji ademîzad
Ji şehrê şîn û heya Mehabad

Tabûtê ji rengê geştiya baş
Yê ku tê de ew serok û ew pa

Tabûtê li ser serê xwe rakin
Dest bidne hevdu û pişte bankin

Xweş xweş bikevî, ber pêlê destan
Heya we ku bighînin, goristan

Tîrêj tu li ber serê wî rûnê
Hêstiran tu bibarînî ji xwînê

Bêje: Ey serok û şah û rêber
Derkev tu ji tabûtê dilawer

Ey şêrê welat pilingê Berzan
şevgerê çiya û deşt û zozan

îro ne ew çax e ku tu razê
Azadiya Kurdistan bixwazî

çargoşê welat hemî neyarin
Pêşmergê te va hemî li karin

Dîsa wek berê dijîn li meydan
çav nêrê te ne bi emr û ferman

Deng nayê ji te, bi kêf û şadî
îro çima bersiva min nadî

Qey rast e, gelo te j`cem me bar kir
Mirna malxerab, te j`me cuda kir

Canê te dema ji ten cuda bû
Perwaze li nik erşê xweda bû

çerxa felekê ji rengê şûr e
Rêça mirinê di bin dibûre

Karwanê mirinê ne, em li pê hev
Pêk ve li serin, me nîne jê rev

Kurdistan seraser bûye lê şîn
Yek mal nema bê fîxan û nalîn

Kurd wa hemî derketin ji malan
Qêrîn ket biçûk û pîr û kalan

Bû qîr û hewar, li jêr û hem jor
Xortên di bedew, keçên gulî sor

Hêstir bi xwe wek tavêd biharê
Ji çavên belek xweş têne xwarê

Wek tavên meha Adar û Nîsan
Derya rijiya ji ewra dîsan

Sorgul hemî çilmisîn di baxan
Ber tev weşiyan ji gulyên şaxan

şîna te çiqas bikim ji ezber
Qet nakim xelas bi xam û defter

Lê kurd tu dizanî ew çi mêr in
şopa te tucarî na guhêrin

Nakim ji bîr bi soz û îqrar
Roja pêncşemê yekem ji Adar

Sala ku tu çû, hezar û nehsed
Hem heftê û neh meqamê sermed

Seyda hûn bişon, dereng e zûkan
Ji ava hêstirên keçan û bûkan

Sabûnek bi bêhn ji şehrê Amed
Qerqer ji welatê Mûş û Serhed

Cawê kefenê wî şapik û şal
şaşa ser serî kolos û desmal

şilfa xencerê mekin ji kalan
Dîsa bidne kêlekê ji dil û can

Darbeste ji dehla çayê Berzan
Pêwend û werîs ji porê qîzan

Bergorek fireh, ne teng û goncal
Kêla ber serî, ji çayê şengal

Hêdî û bi semt daynin di gorê
Baqê sorgula hûn bidne dorê

Ey gora cihê egîd û merdan
Wey war û cihê xeman û derdan

Gorê şînkeve, wekî biharê
Gorê bibe wek baxê Zinarê

Gorê bibe tev tu mêrg û çîmen
Gorê bibe tev kulîlk û çîmen

Gorê bibe tev rohnî û pertew
Lê reş nebî qet nebî tu lê şew

Me sipartiye ete serokê Berzan
Parêz bike wî ji tebayê çolan

Hember qirş û qalê ruyê erda
Rehmet li wê gora te be seyda

Yezdan tu bi navê Mistefakî
Berzanî bi rehmeta xwe şakî

Ridwan tu bikî heval û rêber
Da bên pêşiyê ferîşte û per

Xazim bikî hemdemê teniştê
Tu li ber vekî dergehê bihiştê

Tîrêj timî hêstira bibarîn
Heger bigrî li ser bi ax û nalîn

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê

Abê Engûr
Afîtab
Agirê Bi Tîn
Agirê Tûr
Ala Çermîn
Aştîxwazim
Avim Çika
Azana Melê
Azerî Me
Badeya Lêvan
Baqê Kezî
Bazê Çeleng
Bê Delav
Bê Kar û Baro Dilo
Bendê 11ê Adarê
Berfa Sîpan
Berfa Zinara
Bersiva Şira Melê Kurd
Berzanî Hat Welêt
Berzanî Nemirye
Bextê Me Li Xware
Bibin Yek
Bilbilê Dilşadî
Bîranîna Cegerxwîn
Bîranîna Ehmedê Namî
Bîranîna Mem û Zîn
Birc û Eywan
Birîn Li Ser Birînê
Bîst û Yekê Adarê
Buhar
Buhar Hatiye Çogê
Bûka Ser Bi Xêlî
Çala Sermedî
Cam û Peyal
Cam û Piyal
Çar Dem
Çar Demên Salê
Çayê Azerbeycanê
Cê Bilbil û Şalûra
Cejna Yekê Gulanê
Cenga Du Dîkan
Cenga Selîbî
Çikûs û Comerd
Çilsaliya Celadet
Çirkîna Dirana
Ciwan û Kejê (Destan)
Çûna Bê Veger
Dayê
Dayê Mi Berde
Derdê Siyamed
Di Benga Biharê De
Di Gel Min Şerî
Di Tarîxê De Dewletek Kurdî
Digeriyam Ez Li Dermana
Dil û Can Min Firot
Dinalin
Dinya Gog e
Diyarê Bo Xunavê
Diyarî Ji Bo Metîn
Diyariya D.Kamîran
Durek Nasifte
Em Bira Ne
Em Li Pê Doza Xwe Ne
Êmîşê Welat
Emrê Çûyî
Êrîşa Tirka Li Bakurê Îraq
Evînî Sosrete
Ey Gelê Kurd
Ey Keça Kurd
Ey Kurê Min
Ey Şehîd
Ey Welat I
Ey Welat II
Ey Xort
Ez Ne Bazî Me
Ez û Bilbil
Ez û Dem
Ez û Felek
Ez û Tûtin
Ez û Xame
Felekê
Ferat û Dicle
Gerek Li Kurdistanê
Geşt û Kelek
Gilî Karê Qelsa Ye
Giran Baro Dilo
Gozelê
Guh Bidêre
Guhmedin Pîsan
Gula Sor
Gula Zer
Gur û Rovî
Hate Hundir
Helebçe
Hêt û Max
Heyva Li Çarde
Ji Hindamê Ketim
Ji Ya Xwe Danakevim
Jîn Tev Jan û Hale
Jîna Ciwanî
Kabûsê Mirinê
Kalo û Kerê Xwe
Kanî Kalê Şêx Seîd
Keçka Torî
Kêfa Dilan
Kela Xwînê
Keleha Bertewîl
Kemer Zîva
Kerb û Kîn
Kewa Gozel
Kofî Hol Kir
Kongira Ewropî
Kor û Diya Xwe
Kurdistan
Kuştiyê Destê Te Me
Lav Lav Bê Fêde Ye
Lawên Cengîz
Lebta Dil
Marê Di Tûr De
Mebe Şaş
Mela
Memo Rabe
Mewlûda Kurmancî
Meyger
Mirin Çi Ye?
Mişk û Pisîk
Mizgîn Li Te Be, Cegerxwînê Kurd
Mûyekî Sipî
Nabişkivî Sorgul
Narîn
Ne Bê Cî Me
Ne Bi Çûna Teresî
Ne Bi Qurretya Dev e
Ne Poşmanim
Nediketim Vê Wertê
Newroz 1
Newroz 2
Nezanî Derdekî Zor e
Nîlson Mandêla
Nîşan û Gerafêt
Nîşana Tifingê
Nisêbîn
Nû Roj
Nû Roz
Pakrewan
Pale
Paleya Pûşe
Paşa û Her Sê Lawên Xwe
Pê Xweş Im Ez
Pend û Şîret
Perçê Qeşê
Perçê Sedef
Pêşmergê Me
Pez Bêrî Ke
Pincarê Bihara
Pirs û Bersiv
Pirsa Diya Ciwan
Qulingo
Reng û Nîşan
Rengê Che Guvara
Rohniya Finda
Ruhniya Keç
Sebra û Şetîla
Sed Xwelî Li Wî Serî
Sedam Dîn Mebe
Şemê Kafûr
Şeqlawe Tev Bax û Rez
Şêrê Kurdistan
Şerefxan Im
Şev û Roj
Şîna Ademîzad
Şîna Ehmedê Menco
Şîna Hevalekî
Şîna Idrîsê Barzanî
Şîna Kemalê Ehmed
Şîna Leyla Qasim
Şîna Mele Ehmedê Palo
Şîna Mihemed Baqî Melle
Şîna Mihemed Elîyê Şiwêş
Şîna Mihemed Şêxo
Şîna Qenatê Kurdo
Şîna Rewşen Bedirxan
Şîna Şehîdên Qeledizê
Şîna Ser Şagirtên Amûdê
Şîna Seydayê Cegerxwîn
Şîna Silêman
Şîna Suxtên Zêwa
Şîna Tehsîn Taha
Sîpan û Perwîn (Destan)
Şira Melê Kurd
Siwarê Dînasor
Siyamend û Xecê (Destan)
Taca Şerefxan
Tava Xizêmê
Tevrabûna Felestîn
Textora Kul û Derda
Tu Ji Tarîxê Bipirse
Vegerin Welat
Wê Roj Hilê
Welatê Min
Welatê Serhedê
Xabûr û Zab
Xama Qederê
Xaza Xerdela
Xemla Qedîf
Xerîbin Em
Xirqe û Bendik
Xwe Nespêrin Neyara
Xwestiya Pêşmerge
Xwezî Timî Bihar Ba
Yadîgar
Ziman
Zincîra Evînê