Helbest

43 xwendin.

Soran Amed - Te Dixwînim
Te dxwînim helbesta min î
Te digerim deşta min î
Kenişt û mizgefta min î
Keçka filleh ji dîn kirim

Mecnûn im tu Leyla min î
Fikra min xeyala min î
Newroz û sersala min î
Keçka filleh ji dîn kirim

Zîna min î jîna min î
Ferhad im şîrîna min î
Ser te dîn im dîna min î
Keçka filleh ji dîn kirim

Roja min î hîva min î
Dev û çav û leva min î
Bê te nîv im, nîva min î
Keçka filleh ji dîn kirim

Dicemidim germa min î
Dişewitim serma min î
Melhema birîna min î
Keçka filleh ji dîn kirim

Nexweşim doktora min î
Êdî bes e dora min î
Te dixwazim tu lgora min î
Keçka filleh ji dîn kirim

Gewra min î reşa min î
Tehl û tirş û xweşa min î
Ronî û şevreşa min î
Keçka filleh ji dîn kirim

çarda min î pazda min î
Ta hebim tu sewda min î
Xweşik û hem rinda min î
Keçka filleh ji dîn kirim

Va dibêjim yara min î
Nadim kesê para min î
Ne carek sedcar a min î
Keçka filleh ji dîn kirim

Cana min î jana min î
Jiyan î, jiyana min î
Kurdim Kurdistana min î
Keçka filleh ji dîn kirim

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê