Helbest

29 xwendin.

Vînda Çelebî - Dilyarê Min
Dilyarê min
nizanim çima
her dema
tû nêzîkî hêlîna min dibî
baskên min nema dilivin.
Saweke sar
dikeve laşê min de
dest û pîçên min ditevizin
xuhdaneke mîna xunaviya havînî
li min dibare
Gurme.. gurma dilê xwe dibîzim
tenê evîna te
jîn dide min
Lê dilyarê min
her dema tû dûr dikevî
dilê min û çavên min
li dû tede bazdidin
Pirpirêkê evîna min
li dû roniya te difirin
bi alava jiyana te
yeko yeko dişewitin
dilyarê min.

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê