Helbest

28 xwendin.

Hawar ji destê dîlberê, ev yara dilxwaz û şirîn
Gûla gulistana dil û eşq û evîna dilhebîn

Xweşî nedaye çi caran evê pê evan nazê xwe
Eva ku pê wan çavên xwe tîr lêda û dil kir birîn

Gawa meşît dil lerizît namînîtin sebr û qerar
Rehmê naketin kafirê guh nadete ax û qîrîn

Ger bibînim har û dînim ger nebînim heyran û mat
Baştir ev e ez nebînim mat baştir e li har û dîn

Bê rehmê gawa bal min çû fikra dilê min da nebû
Belê zanî ku wê demê eql û huşê min tev firîn

Ketîme nav behra xeman kesek hawara min nayê
Ya reb bixwe çare bike hêviyên min bike qerîn

Rojên min zû bi zû diçin qet nîne ji yarê xeber
Nizanim ez kengê dê bêtin ev xezala xemrewîn

2007/01/022 Ûrmîye

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê