Helbest

42 xwendin.

Younes Bahram - Kezîzerê
Kezîzer, wa kezîzerê
Poz cilakî, xizêm perê
Xulama wan gulyên dirêj
Li bin hepriyê xweş tên derê

Du sîngên poz wek mermere
Fincanên Acî li sere
Sed sed serî têne li ber
Bo tewafê cot û fere

Wek geliyê nav du çiyan
Sîngan ji hev dikî cudan
Ew gore bo min, ger mirim
Herdem lê bimînim mêvan

Kê bo te ev pesin danî
Rû heyvê gerden mircanî
Bejna zirav şivek tere
çav derya kilê siphanî

Ger şebnem ji lêvan were
çawa bihêlim tu here
Ê ku bibîn û jê nenoş
Bo evînê ew nokere

Xwe berde xwar ji pencerê
Xwedan bazbend û kemberê
Em herin bin dara dila
Lê bikolin kezî zerê

Şîrove

Ka tu şîroveyeke giranbuha li vê helbestê nakî?

Ji kerema xwe re dîsa biceribîne..

Helbestên din ên Helbestvanî/ê