Elî Herîrî - Xelkno Werin Bibînin

xelkno werin bibînin,
çi hûsneke bi kemal e
heyran ji dil bibînin
ji sene` zewal celal e.

sene` xwedê ku danî
sifhe ji nurê danay e
enber li ser kêşay e
enber xet di xal e.

xalên di şibê enberî
bêm her wek qemerî
ez t`êr nabim ji munzerê
min naçît ji xeyalê.

min qet naçît ji bîrê
zilfêt şibê herîrê
wê li ser be di munirê
dagirt bun helale.

ebru helala eyd e
dêm her wek xurşîd e
eblek şibê nahîd e
cibhet meha bi kemal e.

cibhet meha teva ye
ru sorgula bi xunav e
reyhan hatine hindave
nesrînyan da û pale.

nesrînyan çu wext best e
min nêrî pê host e
eqlê min çu ji deste
heyran kirim der hale.

heyran bûm ez ji dinê
sohtim ji dest evînê
ji xwe nakim hivya jînê
l`im kêm bûm mah û sale.

li`m kêm bûn mah û salan
metnê ji lam û dalan
ji ber zehmet û eşkalan
ez t`er dikim miqale.

çavê min jê diborî
ji ber ebleqêt xumarî
wekî ava di carî
bê wext û bê meal e

gerden şuşa nebatê
lêvê şerbeta heyatê
ji hisna bît welatî
bi min cahî helal e

methê di nazenînan
û sefê di xûn şirînan
wekî dur û yasînan
ez her dikem emale

baxê ku sed bihar lê
bilbilê lalezar lê
ku ed gulê bixar lê
bilbilî nale nal e

ji Hindê bînin taracî
ji mermeri bînin xeracî
ji Romê bistînin bace
ji bo xemla şepal e

dêma xalê di hûr lê
eyna zilfêt stûr lê
rûnîva guhê tûr lê
mehbûbê bê missal e

hisna teya hebîbe
dilekî min jê xirabe
E`lî tu bike nesîbe
dest bi dil wesal e

hisna teya dilxah e
dîlber lebsî sîyah e
bi min kaa`be ella
tewaf dikem her sale

ji Hînd bînin talanî
bikkin klî sibhanî
ji bo çavê şa-siltanî
dema bêtin ser sal e

çend bîbêje Elî Sadiq
ji serar û di qayq
ji wan wesfê di layq
ji hisna ya elal e.

(Ji kitêba Sadîq Behaddîn)