Îlhamî Ozer - Şîret

Di van êvarên dawîn de
Her hêsirê min
Di berbanga çavê min de
Dibe dûvstêrkek xeyidî
Dema roj hildide
Ez berê xwe didim şeveke din
Ew li pey min hêdî hêdî

Di van êvarên dawîn de
Her hêsirê min
Di bendava çavê min de
Dibe masiyekî birîndar
Dilê van ji bo zertavê davê
Yê min sewa mifteha çar warên bê êvar

Di van êvarên dawîn de
Her hêsirê min
Di zeryaya çavê min de
Dibe giraveke agirî
Dema tarî difetise
Ji wê giravê sewtek tê
Dibêje: tu çima nabî baran
çima li ser min nabarî