Tahir Dînarî - Hunermend û Rewşenbîrên Kurd

rewşenbîr û hûnermendên me kanîn
cengawer û hem egîdên me kanîn

ez ê bejim tû gûh bide ey bira
yeko yeko bike mînak ji xwera

yekjê serdarê alime kurdistan
hemadanî baba tahire uryan

avdilsemedê babek wî xweş binas
şahrezaye gele ew hem xwede nas

şex adîye laleş ji ber berberi
tenê dima karê wî di bû koçberî

nalî şarezurî niştiman perwer
dildar û welat parêze ji ceger

hacî kadirê koyî tû li kûyî
xizan û feqîrî bo gelê xoyî

te deng birî şêx riza talabanî
di wêjeya kurdî tû çûyî banî

bi pîrî ez dizanim pîremerdî
bi xencera wêjeyê çi dirindî

dildar bêje dîse sûrûda kurdî
gelek şehîd medan û êş me pir dî

kerem bike tû ey mamoste hejar
bi helbestê here dijminê xedar

sey Qajî wî Qêjîn dikir mezluman
da nekşînin azar û elem û jan

di felsefeya kurd elî herêrî
kûr û dûrî bêbînî wekî bahrî

ji êsîr û feqîran feqê teyran
dij berê zulmû bû ew digel mîran

mela ahmet stêrî tû di cizîrê
rahet be tû fîlozofê şiîrê

bekir begê erzî tû çi qas ferzî
şeydayê kurdistanî tû çi berzî

dirêjîya kûl û derda bi kurtî
bi mem û zîn anîye ziman xanî

mele huseyn bi xwîne tû li batê
mewludê ji bo muhamedê xwedê

mirad xan bi zembîlfiroş te ya dil
li xwe bar kir bi giranî da ser mil

mele xelîl ê sertê sêhre baze
Qey ilim çîye li ber wek tinaze

xaris bedlîsî pir bi wate darî
bi dûjminre hertiştî tû dî karî

pertew begê dûrêstê gelê bindest
dadmend û welatparêz û ev dixwest

rabe mele ey mensurê girgaşî
dildarê xwezaya kurdistan başî

sîyahpoş tû wek tahtî di evînê
naşikê bi xezela re dibînê

şêx nûredînê birifkanî kanî
sofîyê nazik û dil wek kitanî

muhamed seîde mehrî te civak
jêre xizmet dikir bi dilekî pak

mela mahmudê bazîdî bîr bînin
urf û eededê kurdî jê bixwînin

şêx evdirehman axtepî li amed
ji qahra ew carna diçû dewra med

xelîfe selîm zanî teseufê
ji nav me bar kir xebînet û heyfê

derdê me bê jimarin şêx mehmed can
te jî kişand ax û fîxan sed eman

elî şerê mer xas lı dor koç girî
hêjaye mirov li ser wî bi girî

veke xelîfe yusufê bazîdî
rupelê wêje ya dîroka kurdî

mela ahmedê nalbendî çi rindî
can fidayê welatî wekî findî

rutbe bilindî evdirrehîm rehmî
di nav helbesta kurdî jîr û fehmî

celadet elî bedirxan li botan
na xuyê tû birca belek bû wêran

ax û hey wax mîr kamuran bedirxan
ketye ew binê barê herî giran

di çû nêçîra dûjmin osman sebrî
ji lawiran tijî mînak û fikrî

cegerxwînî ji derdê millet dînî
hewar û Qêrîn û tû tev nalînî

bi leyistikên dûjmin seyda namî
ji kurdare berikî tû li damî

mele hesen çinarî jê ne bin zen
bîre wer ew li dûjmin dişkînê çen

Qedrî can xortek delalî ji mêrdîn
ji bîr nabê tû li nav kurdên jêrîn

di çirisê şewQa te seyda tîrêj
bi Qelemê serê dûjmin dikê gêj